MINI KONGRESU AETL MUNICIPIO DILI

MINI KONGRESU ASSOCIAÇÃO DOS ENFERMEIROS DE TIMOR-LESTE 

MUNICIPIO DILI

Prosesu reestruturasaun Associação dos Enfermeiros de Timor-Leste(AETL) iha teritorio nasional sei realiza iha tinan 2016 tuir mandatu husi Kongresu Nasional dia 19-21 de Desembro 2015. Haktuir karta kredensial ida ne’ebe kada representante Muncipio sira simu liu husi Kongresu Nasional refere iha leten. Atu haforsa tan mandatu ida ne’e liu husi Ezekutivo nasional eleito ne’ebe Liderado husi Presidente AETL Sr.Enf^ro Joaquim Gregorio de Carvalho,Skep no Secretaris Geral AETL Enf. Santana Martins,LDC hodi organiza no prepara base legais sira ezekusaun átividade AETL nian hanesan kompleta iha loron 90 nia laran tenki estabelese Regulamento Interno nomos pakote servisu nune'e exekutivo sira konsegue kumpri no iha ona aprovasaun final no pronto ona atu ezekuta. Liu husi aprovasaun regulamento interno no pakote servisu departamento sira komesa exerse sira nia knár.

Atu bele haforsa diak liu tan ezekusaun estatuto AETL no regulamento interno iha data 12 de Maio 2016 ba komemorasaun loron mundial dos enfermeiros liu reuniaun avaliasaun halo reflesaun mos konaba átividades sira nune'e’e iha momentu ne’ebá mos define kedas atu iha implementasaun ba mandate kongresu nian.

Nune'e iha inisiativa rasik husi Presidente AETL Municipio Dili Enf Santana Martins,LDC  propoin atu realiza Mini Kongresu AETL Municipio Dili nian iha dia 03 de Juñu 2016, maibe em termus de preparasaun de konsegue muda hikas ba iha dia 02 de Jullu 2016.  

Nune'e data 02 de Jullu 2016 sai hanesan istoria transformasaun estrutura husi Estrutura AETL Munipio Dili periodu 2010 a 2015 lideradu husi Enf Santana Martins,LDC no Secretaris Geral Municipio Dili Enf Manuel Viegas hodi entrega hikas ba lideransa meja hodi bele hili hikas estrutura foun.

Iha realizasaun mini kongresu ida ne’e uluk nanain hahu kedas abertura ho Kanta Ino Nasional Patria, tuir kedas Marsa AETL, no iha momentu ida ne’e Presidente AETL hato’o Um minute de silensia hodi hanoin hikas Heroi libertasaun Nasional nune'e mos hanoin hikas maluk enfermeiros sira ne’ebe tamba ho sira nia kontribuisaun oferese tomak sira nia an ba rai doben ida ne’e. nune'e mos hanoin hikas enfermeiros sira ne’ebe iha nasaun seluk ho sira nia esforsu tomak atende ema kbít laek sira iha funu laran maibe sira tenki lakon sira nia vida, hanesan iha Afrika no medio Oriente.

Tuir kedas apresentasaun relatorio servisu estrutura eleitu periodu tinan 201-2015 iha relatorio refere apresenta mos susesu nomos difikuldade sira ne’ebe mak durante tinan hala’o sira mandatu. Iha relatoriu Presidente AETL Municipio Dili hato’o katak iha periodu tinan ne’e susar tebes atu bele ezekuta planu sira ho diak ho razaun katak ladun hetan apoiu másimu husi Estrutura Nasional, nune'e’e propoin ba estrutura nasional periodu tinan 2015-2020 atu bele haforsa no apoiu e orientasaun ida ne’ebe mak klaru ba baze.

Nune'e’e mos Vice presidente AETL Enf Raul Humberto Gama, ne’ebe lori Presidente nia naran loke Mini Kongresu AETL Dili katak realiza Mini Kongresu ida ne’e nudar pasu positivu ida ba oin, tamba estrutura AETL Dili 2010-2015 lolos nia mandatu hotu iha 07 de Outubro 2015 maibe tamba asunto restruturasaun ne’ebe seidauk preparadu nune'e’e foin realiza iha data 02 de jullu 2016. Vice president mos husu ba partisipante Mini kongresu atu partisipa ativu hodi bele ezerse direitu hodi bele hili estrutura foun nune'e bele substitui Presidente Anterior tamba dadauk ne’e Presidente Municipio Dili simu hikas ona knár foun nudar Secretaris Geral AETL nian iha nivel Nasional.

Iha okasiaun nemos Vice president enkoraja partisipante sira katak atu luta ba bens Star enfermeiros nian iha future laos deit knár Estrutura sira nian, maibe nudar obrigasaun husi membro AETL sira hotu. Liliu atu luta kontra diskriminasaun sira ne’ebe mak hasoru enfermeiros sira iha base, hanesan mos agora dadauk ne’e Enfermeiros sira luta hela atu oinsa estadu liu husi Governo(Ministério da Saúde) hodi bele iha tempu badak bele aprova dokumentus tolu(3) ne’ebe mak sai hanesan baze fundamental ba enfermeiros sira iha Timor-Leste tenki la’o tuir tantu iha parte governo nian ka Klinika pribada sira. Esforsu sira hotu la’o no ohin loron iha hela faze finan tamba iha ona aprovasaun husi Konsellu diresaun ba Dokumentu Kodigu de Odontolojia, Standar Pratika enfermajem nomos standar Kompetensia Enfermeiros.

Mensiona tan katak Standar ida ne’e nudar baze fundamental atu bele hakat ba oin no atu ezekuta knár lolos enfermajem nian. Nune'e liu husi mensajem ida ne’e maluk enfermeiros sira bele haforsa nia ezistensia iha baze no labele sai fali atan ba profisaun seluk. Profisaun ida ne’e tenki hamrik independent nudar disiplina profisaun ida no la’o atan ba profisaun seluk. Durante ne’e iha Timor-Leste enfermeiros sira hatudu tiha ona nia existensia hahu husi fatuk kuak no dolok kuak sira mai to’o estabelesimentu Ministério da Saúde ne’ebe kunesidu Enfermeiros mak nudar koluna vertebra Ministério da Saúde Timor-Leste nian. 

Hafoin diskursu Vice Presidente AETL entrega kedas mandatu ba iha Xefe Departamento Organizasaun, membru, no kaderizasaun, Sr Enf. Bernardo do Rosario Amaral,B.Enf. husi Estrutura Nasional hodi bele dirije no fasilita prosesu Minis Kongresu ne’ebe la’o ho agenda uniku mak Elisaun no tomada de posse.

Iha prosesu apresentasaun kandidatu iha mos debate ida naruk konaba apresentasaun kandidatu Pakote ka individual. depois liu husi votasaun maioria aseita atu apresenta kandidatura pakote. Nune’e lideransa meja halo kedas distribuisaun formatu pakote ba iha partisipante sira.  No ikus mai iha pakote hitu(7) ne’ebe  mak avansa ba kandidatura. Ida ne’e sai hanesan istoria foun no exemplo diak ba membro AETL katak membro sira tomak iha direitu no dever kandidata an ba tur iha estrutura Municipio. Nune’e prosesu apuramento dadus ka verfikasaun la’o no ikus hakat ba fase kampanya.

Liu husi prosesu kampanye hodi hetan konfiansa ikus pakote rua mak hakat ba votasaun final Segredu, liberdade ikus mai pakote Enf Juviano Noe Ribeiro mak eleitu nudar Presidente, Vice Presidente AETL Dili mak Enf. Manuel Viegas,eis Secretaris Jeral AETL Municipio Dili 2010-2015. Secretaris mak Enf Mery Cristavaria B Seran, vice Secretaris mak Enf Ambrosio Tilman no Tezoureiro Enf Jacionto Hornai.

Depois de Eleisaun no resultadu final tama kedas ba fase eleisaun ba Kordenador Departamentu sira, no iha memontu ne’e Presidente AETL Dili Eleito konsegue forma nia estrutura no ikus encera ho toma de posse.

Mini kongresu ne’e realiza iha fatin ida ne’e memoria tebes mak iha salaun Ex-SPK Lahane Dili Timor-Leste.

Iha Enceramento programa tomada de posse iha diskursu final Presidente AETL Dili hato’o agradese boot ba Departamento Enfermajem Fakuldade Medisina e Siensias da saude UNTL ne’ebe disponivel oferese fatin ida ne’e hodi bele realiza mini kongresu ba AETL Munisipio Dili. Presidente mos hato’o agradesimentu uain ba membro sira neebe partisipa iha mini kongresu ne’e tambahatudu antusiasmu husi enfermeiros jerasaun foun sira ne’ebe mak hakarak partisipa hodi kontribui ba prosesu bens star membro sira nian.

Abracos