Relatorio Servisu Estrutura AETL Municipio Dili periodo 2010-2015

ASSOCIAÇÃO DOS ENFERMEIROS DE TIMOR LESTE

Distrito Dili

---

Relatorio Servisu Estrutura AETL Municipio Dili periodo 2010-2015

1.       Exelentissimu Sr.Enf Joaquim Gregorio de Carvalho Presidente AETL

2.       Exelentissimu Sr Enf Raul Humberto Gama Humberto Gama Vice Presidente AETL

3.       Exelentissimu Sr Enf Ostelino Belo Vice Secretaris Geral  AETL

4.       Exelentissima Sra Maria Madalena Tezoureiro  AETL

5.       Estrutura AETL Municipio Dili Periodo 2010-2015

6.       Karos Konvidadus e Partisipante Mini Kongresu  mak hau hadomi no hakuak boot ba Imi tomak

Exelensias

Ohin data 02 de jullu AETL Dili marka tan istoria foun ida ne’ebe ita realiza iha fatin istoriku ida ne’e Ex-SPK lahane Dili, ita hamutuk iha ne’e ho objetivu atu bele realiza mini kongresu ne’ebe tempu naruk ona ita planea maibe so ohin loron ofin akontese.  Nune’e ami apresenta posissaun AETL nian durante tinan lima hanesan tuir mai ne’e:

Associação dos Enfermeiros Timor-Leste (AETL) Distrito Dili, nudar Assosiasaun ne’ebe estabelese baseia ba Estatuto AETL Nasional, ne’ebe hetan ona nia Mandato durante tinan 15(sanulu resin lima) ninia existensia iha Timor Leste, hanesan Assosiasaun profesional legal ne’ebe registradu ona iha Ministerio Justisa, ho nune’e Komesa habelar an ba iha Distrito tomak inklui mos Distrito Dili ne’ebe mos sai hanesan kapital, no centro de pessoal  ba iha Pessoal Enfermeiros iha Timor Leste.

  Associação dos Enfermeiros Timor-Leste (AETL) Distrito Dili, tuir mandato ba iha Lideransa Distrital AETL nian, ne’ebe hetan knar apartir dia 06 de Outubro 2010 ate 5 de Outubro 2015. Nune’e Lideransa Eleito sira ne’e hare katak durante tinan lima ba kotuk ita seidauk hare konaba Vantagem diak ruma ba membros no mos vantagem husi membros ba iha Assosiasaun ne’e rasik. tamba ne’e mak Associação dos Enfermeiros Timor-Leste (AETL) Distrito Dili, periodo 2010 -2015 hare katak presisa plano estategia no plano Asaun Annual ho  nia Implemetasaun ba iha Servisu Assosiasaun ba tinan lima oin mai, presisa defini hamutuk no tenki iha nia implemetasaun ba iha baze no prosesu konstrusaun humanu no fisicío ba iha Associação dos Enfermeiros Timor-Leste (AETL) Distrito Dili, tenki komesa.

Tamba ne’e nudar Presidente Eleito ba iha AETL Distrito Dili nian, hare no estuda ona buat balu ne’ebe sai hanesan estrategia atu bele realiza iha tinan lima oin mak hanesan tuir mai ne’e :

1. Kompletasaun estruturas AETL Distrital
2. Konsolidasaun ba Base(Instituisaun  Publikas e Privadas)
3. Estabelecimento data base
4. Reaktivasaun ba Iuran (Uang pangkal per 5 anos no Iuran  mensal)
5. Estabelecimento Secretariado Distrital
6. Programa estabelesimento fundus de AETL Dili
7. Kapasitasaun ba Membros distritais
8. Estabelecimento Kooperativa membros

Ida ne’e sai hanesan Plano Estrategia ba tinan 5 oin mai,  Plano Assaun Annual hodi nune’e sai hanesan baze ba implemtasaun.

Baseia ba Estatuto AETL ne’ebe aprova iha 07-08 de outubro 2010, tamba ne’e mak AETL Distrito Dili hare katak komposisaun estrutas ne’ebe estabelese tia ona, no baseia estatuto refere mak estruturas ne’e seidauk kompletu no presisa kompleta lalais atu nune’e ema sira ne’ebe simu ona no atu simu knar bele halao ho didiak no responsabilidades ba knar ne’ebe membros sira fo, estruturas ne’ebe presisa atu kompleta maka hanesan Vice Presidente 2, Vice Secretaris tuir Estatuto AETL Aprovadu, e presisa estabele koordenador kada instituisaun ho nune’e bele halo koneksaun ba membros sira ho diak.

AETL Distrito Dili mos hare katak Enfermeiros hotu-hotu ne’ebe partense ba iha Distrito Dili nian, ho programa konsolidasaun ba baze sira hotu sei registo nia an AETL Distrito Dili Komesa husi Enfermeiros sira ne’ebe haknar an iha Ministerio da Saude, Instituto da Ciensia da Saude(ICS),Hospital Nasional Guido Valadares, Centro da Saúde iha Distrito Dili(Atauro,Comoro,Bairopite, Centro, Becora no Klinikas Privadas, Farmacia, NGO’s nomos membros balu ne’ebe servisu iha instituisaun seluk ka enfermeiros sira ne’ebe karik to’o horas ne’e seidauk servisu iha instituisaun ruma. atu nune’e ho konsolidasaun ida ne’e AETL Distrito Dili hein katak sei iha kolaborasaun diak lideransa AETL Distrito Dili nian ba iha base atu halo Konsolidasaun no rejistrasaun.

Programas de konsolidasaun hotu AETL Distrito Dili, sei estabelese sistema data base ka baze de Dadus ba nia membros sira hotu, atu nune’e AETL Distrito Dili, bele iha dadus fixu ba iha AETL. Dadus ida ne’e sai hanesan data prinsipal ba iha nia membros sira hotu. ho sistema data base ne’ebe klaru no fixu ita bele kontrola oinsa membros sira nia Direito no Dever ba AETL, nomos atu maneja konaba oinsa iha futuru de aumenta de kapasidade ba nia membros sira. Liu husi data base AETL Distrito Dili mos sei buka oinsa mak bele fasilita membros sira ba prosesu kontinuasaun estudo iha nivel rai laran ka estrangeiro, AETL Distrito Dili sei buka atu koordena ho Executivo Nasional atu nune’e fo importansia ba iha fasilitasaun membros ba kontinua estudo liu husi Governo ka Instituisaun privadas.

AETL nudar membros International Council of Nurses (ICN) nune’e internasionalmente iha ona rekuñesimento ba iha AETL Timor Leste, ho nune’e nudar membro Assosiasaun Internasional nia membros sira tenki kontribui ba iha ICN regularmente e ba funcionamento de AETL, maka AETL distrito Dili sei husu ba iha membros tomak atu fo nia kontribuisaun liu husi Uang Pangkal per 5 anos USD 5.00 no Iuran Mensal USD 1.00. sistema de Retribuisaun AETL Distrito Dili sei kria sistema atu nune’e bele koresponde ba programa ne’ebe mensiona iha Estatuto AETL ninian artigo 16 Parte A alinea 1 no 2 Ho Iuran mensal ne’e mos ita bele estabelese programa de kapasitasaun.       

Bainhira programas AETL ninia atu implementa planu estrategia no funcionamento Secretariado AETL Distrito Dili, nudar todan bo’ot ida ne’ebe tula ona mai ita hirak ne’e nia kbás ho nune’e ita hotu tenki buka atu esforsu hamutuk atu nune’e ita bele hetan secretariodo ida ne’ebe permanente, ho nune’e ita bele implementa programa sira ne’ebe ita trasa hamutuk. AETL Distrito Dili nudar membro ne’ebe barak liu iha Timor leste ho nune’e estabelesimento Secretariado nudar Xave importante, knar ne’ebe maka lideransa aktual tenki halo mak identifica Rai ka uma fatin ruma hodi nune’e bele halo negosiasaun ho Terras e Propiedades atu bele fasilita mai AETL Distrito Dili. AETL Distrito Dili seidauk bele hanoin atu bele aluga fatin ruma ho razaun katak baihira simu knar husi lideransa Anterior laiha dadus komprovativus ruma ne’ebe garante.

AETL Dili hamrik ho fundus Prinsipal mai husi Iuran membros sira nia, tamba ne’e mak Fundus hirak ne’e sei la responde Planu Implementasaun estrategia ne’ebe lideransa  AETL Distrito Dili trasa, membros hotu-hotu iha obrigasaun atu bele halo koneksaun ka lobi ba Instituisaun ruma privadas ka publika atu nune’e bele hetan ajudus ruma, ho fundus mak Assosiasaun bele halo aktividades no implenta programas sira ne’ebe estabelesido ona. kada membros sira sei hetan knar atu nunue’e bele halo koneksaun ba iha instituisaun sira ne’ebe AETL Distrito Dili bele asesu.

AETL Distrito Dili iha obrigasaun moral ba nia membros sira hotu, atu bele hetan kapasitasaun ba kareira profesional ka iha area jestaun administrativu nian ho nune’e membros AETL Distrito Dili pronto atu kompete iha kampu kareira profesional ka iha area Jestaun ninian. bainhira implementasaun programa hotu estabelese ona, maka programa prinsipal ba membros sira hotu maka kapasitasaun, kapasitasaun tenki ba hotu iha membros sira tuir knar ne’ebe memros sira horas ne’e hala’o hela ba. Kapasitasaun sai hanesan baze fundamental ba dezenvolvimento Rekursu Humanus nian. 

                Bainhira Secretariado AETL Distrito Dili nian Estabelese ona, husi Membros exekutivo Distritais iha ona planu atu bele kria Kooperativa atu nune’e bele fasilita ba nia membros sira, bele estabelese programa imprestimo ka Koperasi Simpan Pinjam atu nune’e bele fasilita nia membros sira bainhira iha difikuldades ruma bele fo solusaun baiha nia membros bainhira hasoru difikuldade.

Tamba ne’e Presidente AETL Distrito Dili, hato’o mensagem ida ne’e ba membros sira hotu atu Hanoin, Analiza, Debate no fo Opiniaun ruma konaba Planu Estrategia ne’ebe maka hanoin dadauk ne’e. membros hotu-hotu iha dalan atu koalia, Kritika, Kurize fo sujestaun atu nune’e assosisaun ida ne’e bele sai forte liu tan ba futuru, ho base fundamental ida katak Povu nia saude  iha ita nia liman, ho nune’e halo netik buat ruma ba povu atu nune’e sira bele hamnasa. ho nune’e povu sei hatete iha nia fuan laran katak Nasaun ida ne’e iha duni oan ne’ebe barak no sai fini diak ba futuru.

Durante existensia sira ne’e tomak periudi ida ne’e AETL Dili sente la halo buat barak maibe hakarak halo buat barak maibe laiha orientasaun ida e’ebe klaru husi estruturra Nasional liliu ba programa rejistrasaun ne’ebe tenki hala’o. No ida ne’e la konsegue duni halo to’o ohin loron hein katal estrutura sira ne’ebe atu eleitu ohin tenki halo diak liu tan buat ne’ebe mak estrutura eleitu tinan 2015 halo

Maibe iha aktividade balun ne’ebe mak AETL Dili konsegue hala’o mak hanesan tuir mai ne’e:

1.       Halo Plano estratejia AETL Dili ba periudu tinan 5, maibe la ezekuta hotu.

2.       Halo koperasaun diak Kongresaun Mary Mackillop Australia ne’ebe nia residensia iha Becora. Organiza Treinamento sira

3.       Halo koperasaun diak entre AETl Dili ho Kolegas enfermeiros sira iha Autralia liu husi Enf Antonio Craig. Ne’ebe fo trainamento Basil Life Support kada tinan ate 20010-2014

4.       Buka Apoiu husi Organizasaun Mundial da saude liu husi Aktividade programa kapasitasaun hanesan Basic Life Support training

5.       Halo Asina Memorandu de Intendimentu Instituto Superior Cristal ho servisu hamutuk liliu apoiu ba treinamento sira nomos aktividades sira seluk.

6.       Hetan Delegasaun husi AETL nasional hodi partisipa iha Konferensia Internasional ICN/CNR(Council Nurse representative) iha melbourne Australia

7.       Hetan Delegasaun no Apoiu AETL Nasional Partisipa iha Konferensia Internasional Enfermajem iha Indonesia

8.       Partisipa iha ICN no CNR Conference iha Seoul Korea do Sol ne’ebe ikus mai hetan Xamada posisaun AETL nian iha ICN  tamba la selu Quata.

9.       Apoiu Estrutura Nasional hodi avansa Desenvolve Dokumentus Kodigu Etika, Standar Pratika enfermermajem no standar Kompetensia Enfermeiros ne’ebe ohin loron atu finaliza dadauk ona.

10.    Ami relata mos katak AETl laiha Balansu finanseiro ruma durante iha Konta, tamba los duni durante ami nia mandatu husu duni atu loke banakria maibe laiha Solusaun. Orsamentu ne’ebe ikus AETl Dili ho Montante USD 1452. Maibe haruka tiha ona ba iha Estrutura Nasional hodi Apoiu Realizasaun Kongresu Nasional  dia 19-21 de Desembro 2015.

11.    Secretariadu AETL nian dadauk ne’e utiliza hamutuk Secretariadu Nasional AETL nian iha Bairopite Dili. P

Ikus liu hau lori estrutura AETL Dili nia naran hakarak hato’o ami deskulpa tamba iha perirudu Ami nia la konsegue reorganiza servisu balu no ami rasik mos laiha unidades baihira halao ami nia knar.

Nune’e ami husu ba estrutura eleitu sira ne’ebe mak oras ida ita sei hili atu bele servisu diak liu ba ita nia membros sira iha periudu tuir mai.

Ami em prinsipiu sei fo apoiu tomak bainhira karik sei presisa ami nia apoiu.

Maka ne’e deit ami nia relatoriu ba atensaun lahaluha hato’o obrigado wain

SAUDASOENS PROFESIONAL.

Dili,02 de Jullo 2016

Presidente AETL Distrito Dili

Enf. Santana Martins,L.DC